ဦးကျော်မိုးထွန်းကို အမေရိကန်က ဆက်လက် ထောက်ခံလိုက်ပါပြီ

နယူးယောက်အခြေစိုက် ကုလသမဂ္ဂရုံး မြန်မာနိုင်ငံဆိုင်ရာ အမြဲတမ်းသံအမတ်ကြီး ဦးကျော်မိုးထွန်းကို အကြမ်းဖက်စစ်အုပ်စုက တရားစွဲဆိုထားပြီး မြန်မာနိုင်ငံကို ပြန်လည်ပို့ဆောင်ပေးဖို့ တောင်းဆိုနေမှုအပေါ် အမေရိကန်နိုင်ငံခြားရေးဌာနက ပယ်ချခဲ့ပြီ

း ဦးကျော်မိုးထွန်းအပါအဝင် မြန်မာနိုင်ငံမှာ ဒီမိုကရေစီအစိုးရ ပြန်လည်ရရှိရေးအတွက် လုပ်ဆောင်နေတဲ့ လူမှုအသိုင်းဝိုင်းက ပုဂ္ဂိုလ်အသီးသီးနဲ့ ဆက်လက်ထိတွေ့ ဆက်ဆံဖို့ လုပ်ဆောင်သွားမယ်လို့ ပြောပါတယ်။

VOAသတင်းဌာနက သံအမတ်ကြီးဦးကျော်မိုးထွန်းကို အကြမ်းဖက်စစ်အုပ်စုက ပြန်လည်ပို့ဆောင်ပေးဖို့ တောင်းဆိုနေမှုအပေါ် အမေရိကန် နိုင်ငံခြားရေးဌာနရဲ့ သဘောထားကို email ပို့ပေးမြန်းရာမှာ ဆက်လက် လက်ခံ ဆက်ဆံသွားမယ်လို့ ပြန်ကြားခဲ့တယ်လို့ VOA သတင်းဌာနမှာ ဖော်ပြထားပါတယ်။

အကြမ်းဖက်စစ်အုပ်စုက အာဏာသိမ်းယူပြီးနောက်မှာ သံအမတ်ကြီး ဦးကျော်မိုးထွန်းက CRPHနဲ့ NUGအပေါ် သစ္စာခံခဲ့တာကြောင့် အကြမ်းဖက်စစ်အုပ်စုက မြန်မာနိုင်ငံအတွင်းမှာ တရားစွဲဆိုမှုတွေ လုပ်ဆောင်ထားခဲ့ပြီး စစ်သံမှူး ဗိုလ်မှူးကြီးအောင်သူရိန်ကို ဦးကျော်မိုးထွန်းနေရာမှာ အစားထိုးခန့်အပ်တယ်လို့ ကြေညာခဲ့ပေမဲ့

ကမ္ဘာ့နိုင်ငံ အသိုင်းအဝန်းကတော့ ကုလသမဂ္ဂအစည်းအဝေးတွေမှာ ဦးကျော်မိုးထွန်းကိုသာ မြန်မာနိုင်ငံဆိုင်ရာ အမြဲတမ်းသံအမတ်ကြီးအဖြစ် ဆက်လက်တက်ရောက်ခွင့် ပေးထားခဲ့ပါတယ်။

Source- VOA

Be the first to comment

Leave a Reply

Your email address will not be published.


*